2026-jıl 8-9 oktyabr kunleri Nókis qalası 1-sanlı texnikumında “Bes baslama olimpiadası” sheńberinde texnikum oqıwshıları arasında Sport ligası jarıslarınıń er balalar hàm qız balalar ortasında volleybol sport turi boyınsha sport jarısları bolıp ótti. Bul jarıslardıń tiykarǵı maqseti oqıwshı jaslardı sportqa keń tartıw, olardıń bos waqıtların mazmunlı shólkemlestiriw, salamat turmıs tàrizin qàliplestiriw hàm oqıwshılar arasında doslıqti, birlikti bekkemlewge qaratılǵan. Sport jarıslarında qatnasqan hàr bir komanda óz texnikumlarınıń munàsip qorǵaw ushın qızǵın bellesti. Eń quwanıshlısı jarıs juwmaǵında Nókis qalası 1-sanlı texnikumı er balalar komandası 3-orındı, qiz balalar komandası 1-orındı alıwǵa miyassar boldı. Oqıwshılarımızǵa aldaǵı bolıp ótetuǵın jarıslarda àwmetler tilep qalamız.