Nókis qalası 1-san texnikumında jańa 2026–2027-oqıw jılınıń baslanıwı múnásibeti menen saltanatlı ilaj bolıp ótti.
Usı ilajda Kásiplik bilimlendiriw agentligi direktorı Bayrambay Aymbetov qatnasıp, texnikum ustazları hám oqıwshı-jaslardı hám olardıń ata-anaların jańa oqıw jılınıń baslanıwı menen qutlıqladı.
Óz sózinde Agentlik direktorı búgingi kúnde kásiplik bilimlendiriw tarawında jaslar ushın jańa múmkinshiliklerdiń keńeyip baratırǵanın, zamanagóy bilim hám kásip iyelew ushın zárúr bolǵan sharayatlar jaratılıp atırǵanın atap ótti.
Sonday-aq, oqıwshı-jaslardı jaratılǵan múmkinshiliklerden nátiyjeli paydalanıwǵa, óz kásibine juwapkershilik penen qarawǵa hám keleshekte óz tarawınıń bilimli, mamanı hám kásip iyesi bolıwǵa shaqırdı.
Ilaj sońında Bayrambay Aymbetov texnikumdaǵı auditoriyalarǵa kirip, oqıwshılardıń sabaq procesi menen tanıstı. Ol oqıwshılar menen sáwbetlesip, jańa oqıw jılında olarǵa úlken jetiskenlikler, bilim alıwda tabıslar hám óz maqsetlerine erisiwlerin tiledi. Sonday-aq, oqıwshılardı sabaqlarǵa belsendi qatnasıwǵa, óz ústinde turaqlı islewge hám keleshekte jetik maman bolıwǵa shaqırdı.
Jańa oqıw jılı — jańa maqsetler, jańa bilimler baslaması!
Oqıwshılarǵa — bilim alıwda úlken jetiskenlikler,
ustazlarǵa — sapalı tálim beriwde tabıs tileymiz!
Jańa 2026–2027-oqıw jılı qutlı bolsın!

Русский
English
Uzbek