Ózbekstan Respublikası Prezidentiniń 2026-jıl 7-apreldegi “Ózbekstan Respublikası Qurallı Kúshleri qatarında múddetli áskeriy xızmettiń abırayı hám tartımlılıǵın arttırıw boyınsha gezektegi ilajlar haqqında”ǵı PQ-134-sanlı qararınıń orınlanıwı sheńberinde áskeriy xızmetkerlerdi kásipke oqıtıw hám keleshekte bántligin támiyinlewge qaratılǵan jumıslar ámelge asırılmaqta.
Usı tiykarda Nókis qalalıq 1-sanlı texnikumnıń “Pirson” bólimi qánigelik sabaqlarınıń oqıtıwshıları tárepinen áskeriy xızmetkerler ushın ámeliy sabaqlar ótkerilmekte.
Sabaqlar dawamında áskerler ózleri qálegen kásip baǵdarları boyınsha teoriyalıq bilimlerin bekkemlep, ámeliy kónlikpe hám tájiriybesin arttıradı.
Bunnan tiykarǵı maqset – hár bir áskerdi zamanagóy kásip-ónerge úyretiw, miynet bazarında múnásip orın iyelewine tiykar jaratıw, áskeriy xızmetten keyingi turmısqa tayarlawdan ibarat.
Kásip – keleshek hám erkin turmıs girewi!

Русский
English
Uzbek



